06 اپریل ، 2025 
بھارت: شک کی بنا پر ظالم شوہر نے سڑک پر بیوی کا گلا کاٹ ڈالا
06 اپریل ، 2025
بھارت میں ظالم شوہر نے اپنی بیوی پر شک ہونے کی صورت میں سڑک پر ہی اس کا گلا کاٹ دیا۔
بھارتی میڈیا کے مطابق یہ واقعہ جمعے کی رات کو شہر بنگلورو کی ایک سڑک پر پیش آیا جہاں 43 سالہ شوہر کرشنپا نے اپنی 35 سالہ اہلیہ شاردا کو بےدردی سے قتل کر ڈالا۔
میڈیا رپورٹس میں بتایا گیا ہے کہ کرشنپا چکبالا پور ضلع کے علاقے باگے پلی کا رہنے والا ہے جو مزدوری کرکے گھر چلاتا ہے جبکہ شاردا گھریلو ملازمہ تھی۔
میڈیا رپورٹس میں بتایا گیا ہے کہ شاردا رات میں اپنے کام سے واپس آرہی تھی کہ اس کا شوہر راستے میں کھڑا انتظار کر رہا تھا جیسے ہی شاردا آئی تو کرشنپا نے اس پر چاقو سے حملہ کردیا۔
میڈیا رپورٹس کے مطابق شوہر نے چاقو سے شاردا کا گلا کاٹا جس سے وہ سڑک پر ہی گرگئی اور موقع پر ہی دم توڑ گئی،جیسے ہی کرشنپا نے موقع سے فرار ہونے کی کوشش کی تو مقامی لوگوں نے اس کا پیچھا کیا اور پھر پولیس نے آکر اسے گرفتار کرلیا، جس کیخلاف قانونی کارروائی جاری ہے۔
مزید خبریں :
اسرائیل پر حملے روکنے کی قیمت، کروڑوں ڈالرز
11 گھنٹے پہلے
20 سالہ طالبہ کالج میں تقریر کے دوران دل کا دورہ پڑنے سے جاں بحق
07 اپریل ، 2025
حماس نے اسرائیل پر راکٹ داغ دیے، عسقلان میں نقصانات
07 اپریل ، 2025
