07 اپریل ، 2025 
اسلحے کی دوڑ میں بھی بھارت اسرائیل گٹھ جوڑ بےنقاب، بھارتی فوج کا اسرائیلی ساختہ فضائی دفاعی نظام کا تجربہ
07 اپریل ، 2025
بھارت نے ایک بار پھر اسرائیلی اسلحے پر انحصار کا مظاہرہ کرتے ہوئے اسرائیلی ساختہ باراک 8 فضائی دفاعی نظام کا تجربہ کرلیا جس کے بعد سسٹم کو جلد آپریشنل قرار دیے جانے کا امکان ہے۔
اسرائیلی میڈیا کے مطابق اسرائیل ایرو اسپیس انڈسٹریز (آئی اے آئی) نے دعویٰ کیا ہے کہ اس سسٹم نے مختلف فضائی اہداف کو کامیابی سے نشانہ بنایا۔
یہ میزائل سسٹم اسرائیل کمپنی اور بھارت یاسلحہ ساز کمپنی ڈی آر ڈی او نے نے مل کرتیار کیا ہے جو دونوں ممالک کے درمیان گٹھ جوڑ اور اسلحہ کی دوڑ کو مزید واضح کرتا ہے۔
اس دفاعی نظام کو زمینی اور بحری دونوں پلیٹ فارمز پر نصب کیا جا سکتا ہے اور یہ 70 کلومیٹر تک فضائی اہداف کو نشانہ بناسکتا ہے۔
اسرائیلی میڈیا کے مطابق اس دفاعی نظام کو 2017 میں بھارت کو فروخت کیا گیا تھا، اور تب سے مسلسل اس کے تجربات جاری تھے، یہ سسٹم پہلے ہی بھارتی فضائیہ اور بحریہ کا حصہ ہے جبکہ حالیہ تجربات بری فوج کی منظوری کے لیے کیے گئے۔
مزید خبریں :
طالبان کا افغانستان: خطے میں امن کی حکمت عملی؟
9 گھنٹے پہلے
