کس جلن میں ٹی وی اور یاسر کا لیپ ٹاپ توڑا؟ ندا نے شوہر کے بیان پر لب کشائی کردی

پاکستانی میزبان ندا یاسر نے شوہر  اور ڈائریکٹر وپروڈیوسر  یاسر نواز کا لیپ ٹاپ اور ٹی وی توڑے جانے کے بیان پر لب کشائی کردی۔

حال ہی میں نجی ٹی وی پر عید کے پروگرام کے دوران یاسر نواز نے اہلیہ ندا کے شدید غصے کا انکشاف کیا تھا۔

دوران شو  یاسر نواز  نے بتایا تھا کہ’ایک مرتبہ میری اور ندا کی لڑائی کے بعد میں نے ٹی وی کی آواز تیز کردی تھی جس پر ندا نے غصے میں اسٹیل کی بوتل ٹی وی پر مار کر ٹی وی کی اسکرین توڑ دی تھی‘۔

'ندا نے غصے میں ٹی وی توڑدیا تھا'، یاسر نواز کا اہلیہ کے غصے سے متعلق انکشاف

میری بیوی کو بہت غصہ آتا ہے اور اسے غصہ اس وقت آتا ہے جب اس کی بات نہ سنی جائے: یاسر نواز

یاسر نے یہ بھی  بتایا تھاکہ’میں ایک ڈرامے کیلئے ایک ہیروئن کو کاسٹ کر رہا تھا جسے ندا نے مجھے کاسٹ کرنے سے منع کیا لیکن میں نے اس کی بات سے انکار کیا تو اس نے طیش میں آکر میرا لیپ ٹاپ توڑ دیا تھا‘۔

ندا نے ایسا کیوں کیا؟

حال ہی میں  نجی ٹی وی  پر کیے گئے مارننگ شو میں  ندا نے شوہر کے وائرل بیان پر  لب کشائی کرتے ہوئے بتایا کہ ’یاسر کئی بار بتاچکے ہیں کہ میں نے ان کا لیپ ٹاپ توڑا، ان کے  انٹرویو سے لوگ سمجھتے ہیں کہ میں شاید کوئی جن مزاج عورت ہوں لیکن انھوں نے یہ نہیں بتایا کہ میں نے ایسا کیوں کیا تھا؟

ندا کے مطابق  ’میں پہلے کبھی غصہ نہیں کرتی تھی اور  بہت ٹھنڈے مزاج کی مالک تھی لیکن ہر انسان کی برداشت کا پیمانہ ہوتا ہے، ہوا کچھ یوں تھا کہ  میں صبح مارننگ شو کرتی تھی اور یاسر رات میں تیز آواز میں  ٹی وی کھول کر مجھے تنگ کرتا تھا، تین دن برداشت کے بعد میں نے یاسر کی ہی بوتل اٹھا کر ٹی وی پر دے ماری جس سے ٹی وی ٹو ٹ گیا لیکن  اس کے بعد یاسر نے کبھی ایسا نہیں کیا اور  وہ ٹی وی بھی میں نے خود خریدا تھا ‘۔

 شوہر کالیپ ٹاپ توڑے جانے کے بیان پر ندا نے بتایا کہ ’جس وقت میں مارننگ شوز نہیں کرتی تھی اس وقت  یاسر مجھے ہیروئنز سے بہت جلاتے تھے اور جب آپ مجھے جلاؤگے تو  مجھے جلن تو ہوگی‘۔

میزبان نے مزید بتایا کہ’ایک مرتبہ میں نے یاسر کو ایک ہیروئن کو کاسٹ کرنے سے منع کیا تھا لیکن یاسر نے اسے کاسٹ کیا اور  پھر اس ہیروئن کے ساتھ اپنی تصویر  بھی لیپ ٹاپ پر لگائی ہوئی تھی جس پر میں نے  اس کا لیپ ٹاپ توڑ ڈالا‘۔