11 اپریل ، 2025 
ویمنز کرکٹ ورلڈ کپ کوالیفائر، پاکستان نے اسکاٹ لینڈ کو 6 وکٹ سے شکست دے دی
11 اپریل ، 2025
آئی سی سی ویمنز کرکٹ ورلڈ کپ کوالیفائر میں پاکستان ویمن کی شاندار کارکردگی کا سلسلہ جاری ہے اور اپنے دوسرے میچ میں اسکاٹ لینڈ کو بھی 6 وکٹ سے شکست دے دی۔
ایل سی سی اے گراؤنڈ میں پاکستان اور اسکاٹ لینڈکا میچ بارش کے باعث 32 اوورز فی اننگز تک محدود کیا گیا۔
اسکاٹ لینڈ نے 9 وکٹ پر 181 رنز بنائے، کپتان کیتھرین برائس 91 رنز کے ساتھ نمایاں رہیں۔ فاطمہ ثنا نے 4 اور سعدیہ اقبال نے 2 وکٹیں حاصل کیں۔ جواب میں پاکستان کی جانب سے منیبہ علی اور عالیہ ریاض نے شاندار بیٹنگ کی۔
منیبہ علی نے 71 رنز بنائے، عالیہ ریاض 68 رنز کی ناقابل شکست اننگز کھیل کر پاکستان ہدف 10 گیندوں پہلے چار وکٹ پر پورا کر دیا۔ سدرہ امین 14 رنز بناکر ناٹ آؤٹ رہیں، عالیہ ریاض پلیئر آف دا میچ قرار پائیں۔
دوسری جانب قذافی اسٹیڈیم میں آئرلینڈ اور ویسٹ انڈیز کا میچ بھی بارش کی وجہ سے 33اوورز تک محدود رہا۔ ویسٹ انڈیز نے 6 وکٹ پر 181 رنز بنائے، شینل ہینری اور اسٹیفنی ٹیلر نے 46، 46 رنز بنائے ، جواب میں آئرلینڈ کی ٹیم 33 ویں اوورمیں 175 رنز بناکر آؤٹ ہوگئی۔ ویسٹ انڈیز نے میچ 6 رنز سے کامیابی حاصل کر لی۔
خیال رہے کہ گزشتہ روز آئی سی سی ویمنز ورلڈ کپ کوالیفائر 2025 کے پہلے میچ میں پاکستان نے آئرلینڈ کو 38 رنز سے ہرایا تھا۔
مزید خبریں :
کرسٹیانو رونالڈو کی ہالی وڈ میں انٹری
4 گھنٹے پہلے
