15 اپریل ، 2025 
فواد خان کی بالی وڈ فلم عبیر گلال کا پہلا گانا جاری، مداحوں کو بھاگیا
15 اپریل ، 2025
پاکستانی اداکار فواد خان کی بالی وڈ فلم 'عبیر گلال' کا پہلا گانا جاری کردیا گیا۔
فواد خان کا شمار ان پاکستانی اداکاروں میں ہوتا ہے جنہوں نے بالی وڈ میں اپنی اداکاری سے سب کے دل جیتے تاہم 2016 میں ہندو انتہاپسندوں کی وجہ سے پاکستانی اداکاروں کے بالی وڈ میں کام کرنے پر پابندی لگا دی گئی۔
میڈیا رپورٹس کے مطابق فواد خان نے فلم 'عبیر گلال' سے بالی وڈ میں واپسی کی ہے لیکن ان کی فلم ریلیز سے قبل ہی تنازع کا شکار ہے۔
تاہم ہندو انتہا پسندوں کی مخالفت کے باوجود فلم کا گانا ریلیز کردیا گیا ہے جسے مداحوں کی جانب سے پسند کیا جارہا ہے۔
اس فلم کے گانے کا ٹائٹل 'خدایا عشق' ہے جس میں فلم کی اداکارہ وانی کپور کو بھی دیکھا جاسکتا ہے جب کہ یہ گانا گلوکار ارجیت سنگھ اور گلوکارہ شلپا راؤ نے گایا ہے۔
مزید خبریں :
دبئی میں پاکستانی آرٹ نے شائقین کے دل موہ لیے
4 گھنٹے پہلے
