16 اپریل ، 2025 
حکومتی درخواست منظور، نیپرا نے الیکٹرک گاڑیوں کے چارجنگ اسٹیشنز کے ٹیرف میں بڑی کمی کر دی
16 اپریل ، 2025
نیشنل الیکٹرک پاور ریگولیٹری اتھاڑی (نیپرا) نے الیکٹرک گاڑیوں کے چارجنگ اسٹیشنز کے ٹیرف میں بڑی کمی کر دی۔
الیکٹرک گاڑیوں کے چارجنگ اسٹیشنز کے ٹیرف میں کمی کی وفاقی حکومت کی درخواست منظور ہوگئی جس کے بعدنیپرا نے فیصلہ جاری کر دیا۔
نیپرا کے مطابق الیکٹرک گاڑیوں کے چارجنگ اسٹیشنز کا بنیادی ٹیرف45.55 روپے سےکم کرکے 23.57 روپے فی یونٹ کرنے کی منظوری دی گئی ہے۔
نیپرا کے فیصلے میں کہا گیا ہے کہ گاڑیوں کے الیکٹرک چارجنگ اسٹیشنز کے بنیادی ٹیرف میں 21.98 روپے فی یونٹ کمی کی گئی ہے۔
اس کے علاوہ الیکٹرک گاڑیوں کے چارجنگ اسٹیشنز پر 24.44 روپے کے کیپڈ مارجن ہٹانے کی درخواست بھی منظور کرلی گئی ہے۔
نیپرا کا کہناہے کہ حکومتی درخواست کے مطابق مارجن کا تعین مارکیٹ پر چھوڑ دیا گیا ہے۔
واضح رہے کہ وفاقی حکومت نے چارجنگ اسٹیشنز کے ٹیرف میں کمی کی درخواست نیپرا میں جمع کرائی تھی۔
مزید خبریں :
عوام کیلئے بجلی کا ایک بڑا ریلیف آنے کے امکانات روشن
2 گھنٹے پہلے
سونے کی قیمت میں ایک بار پھر اضافہ ہوگیا
10 گھنٹے پہلے
