19 اپریل ، 2025 
کانگو: کشتی میں آگ لگنے سے ہلاک افراد کی تعداد 148 ہوگئی
19 اپریل ، 2025
افریقی ملک کانگو میں کشتی میں آگ لگنے سے ہلاک افراد کی تعداد 148 ہوگئی۔
غیر ملکی میڈیا کے مطابق کانگو میں ایچ بی کونگولو نامی کشتی Matankumu کی بندرگاہ سے بولومبا کے علاقے کے لیے روانہ ہوئی جہاں کشتی میں آگ لگ گئی۔
میڈیا رپورٹس میں بتایا گیا ہے کہ کشتی میں آگ لگنے کا واقعہ منگل کے روز اس وقت پیش آیا جب ایک خاتون لکڑی کی بنی کشتی میں کھانا پکا رہی تھی۔
کشتی میں خواتین اور بچوں سمیت 500 افرادسوار تھے، آگ لگتے ہی کشتی دریائے کانگو میں ڈوب گئی جس کے نتیجے میں 148 افراد ہلاک اور سیکڑوں لاپتا ہوگئے۔
میڈیا رپورٹس کے مطابق اس حادثے میں 100 افراد زندہ بھی بچ گئے جب کہ زخمیوں کا علاج جاری ہے۔
میڈیا رپورٹس کے مطابق کانگو میں کشتی رانی کے حادثات عام ہیں جہاں پرانی لکڑی کی کشتیاں ہی دیہاتوں کے درمیان نقل و حمل کا ایک ذریعہ ہے اور اکثر ان پر گنجائش سے کہیں زیادہ لوگ سوار ہوتے ہیں۔
مزید خبریں :
امریکا میں 1500 طلبا کے ویزے منسوخ، وجہ بھی سامنے آگئی
12 گھنٹے پہلے
امریکا کا یوکرین امن معاہدے سے پیچھے ہٹنے کا عندیہ
18 اپریل ، 2025
ویڈیو: خرگوش کے انجن میں گھسنے سے اُڑتے طیارے میں آگ لگ گئی
18 اپریل ، 2025
کولمبیا میں یلوفیور سے درجنوں افراد ہلاک، ہیلتھ ایمرجنسی نافذ
18 اپریل ، 2025
