23 اپریل ، 2025 
دھونی کا روزانہ 5 لیٹر دودھ پینے کی خبروں پر ردعمل سامنے آگیا
23 اپریل ، 2025
بھارتی ٹیم کے سابق کپتان مہندرا سنگھ دھونی نے 5لیٹر دودھ پینے اور واشنگ مشین میں لسی بنانے والی افواہوں پر ردعمل دے دیا۔
حال ہی میں آئی پی ایل کی فرنچائز ٹیم چنئی سپر کنگز کے کپتان ایم ایس دھونی نے ایک پروموشنل ایونٹ میں شرکت کی تھی جس دوران سابق بھارتی کپتان سے سوال ہوا کہ انہوں نے اپنے لیے سب سے عجیب افواہ اب تک کیا سنی؟ اس کے جواب میں دھونی نے بتایا کہ ’ میں روزانہ 5 لیٹر دودھ پیتا ہوں‘ ۔
یاد رہے کہ 2000 کی دہائی میں افواہیں سامنے آئی تھیں کہ ایم ایس دھونی کی تندرستی کا راز روزانہ 5 کلو دودھ کا استعمال ہے جب کہ دھونی واشنگ مشین میں لسی بناتے ہیں۔
دوسری جانب دھونی نے واشنگ مشین میں لسی بنانے کی افواہوں کو بھی مسترد کردیا ہے۔
ماضی میں بھی دھونی نے اپنے ایک انٹرویو میں بتایا تھا کہ میں دن بھر میں ایک لیٹر دودھ پیتا ہوں لیکن مزید 4 لیٹر بہت زیادہ ہے۔
43 سالہ دھونی 2020 میں انٹرنیشنل کرکٹ سے ریٹائرمنٹ لے چکے ہیں لیکن تاحال آئی پی ایل کا حصہ ہیں۔
اگرچہ دھونی ان دنوں گھٹنے کے مسائل سے نبردآزما ہیں لیکن وہ اس سیزن میں صورتحال کو بہتر طریقے سے سنبھالتے ہوئے 8 میچز میں 150 سے زیادہ کے اسٹرائیک ریٹ پر 134 رنز بناچکے ہیں۔
مزید خبریں :
مائیک ہیسن قومی کرکٹ ٹیم کے ہیڈکوچ بننےکیلئے مضبوط امیدوار
22 اپریل ، 2025
پاکستان ویمنز کرکٹ ٹیم چھٹی مرتبہ آئی سی سی ورلڈکپ کھیلےگی
22 اپریل ، 2025
سابق آسٹریلوی کرکٹر اور کمنٹیٹر کو 4 سال قید کی سزا
22 اپریل ، 2025
