24 اپریل ، 2025 
پہلگام واقعہ کے بعد بی سی سی آئی بھی بڑھکیں مارنے لگا، دو طرفہ سیریز پر فیصلہ سنادیا
24 اپریل ، 2025
مقبوضہ کشمیر کے ضلع پہلگام کے سیاحتی مقام پر ہونے والے حملے کے بعد اب بھارتی کرکٹ بورڈ (بی سی سی آئی) نے پاک بھارت سیریز سے متعلق اہم بیان جاری کردیا۔
بھارت اور پاکستان آخری بار 2012 اور 2013 کے سیزن میں دو طرفہ سیریز میں آمنے سامنے آئے تھے اور بھارت نے آخری بار 2008 میں ایشیا کپ میں پاکستان کا دورہ کیا تھا۔
ہندوستان ٹائمز کی رپورٹ کے مطابق پہلگام میں حملے کے بعد بی سی سی آئی کے نائب صدر راجیو شکلا نے دو طرفہ کرکٹ میں ہندوستان کے ساتھ پاکستان کا سامنا کرنے پر اپنا فیصلہ سنایا۔
راجیو شکلا نے کہا ہم آئندہ مستقبل میں ہونے والی کسی دو طرفہ سیریز میں پاکستان کے ساتھ نہیں کھیلیں گے۔
بی سی سی آئی کے نائب صدر نے مزید کہا کہ ہم متاثرین کے ساتھ ہیں اور اس واقعےکی مذمت کرتے ہیں، ہماری حکومت جو کہے گی ہم کریں گے، حکومتی مؤقف کی وجہ سے ہم پاکستان کے ساتھ دو طرفہ سیریز نہیں کھیلتے اور ہم پاکستان کے ساتھ دو طرفہ معاملات میں آگے نہیں کھیلیں گے۔
راجیو شکلا کا کہنا تھا کہ جب آئی سی سی ایونٹ کی بات آتی ہے تو ہم آئی سی سی کی وجہ سے کھیلتے ہیں، آئی سی سی کو بھی معلوم ہے جو کچھ ہو رہا ہے وہ اس پر ردعمل دے گا۔
یاد رہے کہ 3 روز قبل مقبوضہ کشمیر کے ضلع پہلگام کے سیاحتی مقام پر فائرنگ کے واقعے میں 26 افراد ہلاک اور ایک درجن زخمی ہو گئے تھے۔
بھارت کی ہندو انتہا پسند حکومت نے گزشتہ روز پہلگام واقعے کی تحقیقات کے بغیر روایتی ہٹ دھرمی کا مظاہرہ کرتے ہوئے پاکستان کو مورد الزام ٹھہرایا اور 1960 میں عالمی بینک کی ثالثی میں طے پانے والے دریاؤں کے پانی کی تقسیم کے سندھ طاس معاہدے کو معطل کر دیا تھا۔
مزید خبریں :
سابق آسٹریلوی کرکٹر اور کمنٹیٹر انتقال کر گئے
24 اپریل ، 2025
شاداب خان نے پی ایس ایل میں وکٹوں کی سنچری مکمل کرلی
23 اپریل ، 2025
دھونی کا روزانہ 5 لیٹر دودھ پینے کی خبروں پر ردعمل سامنے آگیا
23 اپریل ، 2025
کے ایل راہول نے آئی پی ایل میں ڈیوڈ وارنر کا اہم ریکارڈ توڑ دیا
23 اپریل ، 2025
مائیک ہیسن قومی کرکٹ ٹیم کے ہیڈکوچ بننےکیلئے مضبوط امیدوار
22 اپریل ، 2025
