29 اپریل ، 2025 
پاک فوج نے ایل او سی پر ایک اور بھارتی کواڈ کاپٹر مارگرایا
29 اپریل ، 2025
پاک فوج نے لائن آف کنٹرول (ایل او سی) پر بھارتی فوج کا ایک اور کواڈ کاپٹر مار گرایا۔
سکیورٹی ذرائع کے مطابق لائن آف کنٹرول کے ستوال سیکٹر میں بھارتی فوج کا کواڈ کاپٹر مار گرایا گیا۔
ذرائع کے مطابق بھارتی فوج کا گرایا گیا کواڈ کاپٹر فینٹم فور ہے جوپاکستانی علاقے میں جاسوسی کررہا تھا۔
خیال رہےکہ آج ہی پاک فوج نے ایک بھارتی کواڈ کاپٹربھمبرکے علاقے مناور سیکٹر میں بھی گرایا تھا۔
دفاعی ماہرین کا کہنا ہے کہ بھارتی فوج کے غیر ذمہ دارانہ ایکشن حالات میں مزید کشیدگی کا باعث بن رہے ہیں، دشمن کی اس طرح کی حرکتیں خطے کے امن کو سبوتاژ کرنے کی دانستہ کوششیں ہیں۔
دفاعی ماہرین کا کہنا ہے کہ کواڈ کاپٹر مار گرانا پاک فوج کی پیشہ وارانہ مہارت اور دفاعی تیاری کا منہ بولتا ثبوت ہے، پاک فوج ہرقسم کی جارحیت کا منہ توڑ اور مؤثر جواب دینے کے لیے ہمہ وقت تیار ہے۔
