01 مئی ، 2025 
بھارت سیاسی بنیادوں پر اور غیر ذمہ دارانہ انداز سے اشتعال انگیزی پر اترا ہوا ہے: عاصم افتخار
01 مئی ، 2025
اقوام متحدہ میں پاکستان کے مستقل مندوب عاصم افتخار نے کہا ہے کہ بھارت سیاسی بنیادوں پر اور غیر ذمہ دارانہ انداز سے انتہائی اشتعال انگیزی پر اترا ہوا ہے۔
اقوام متحدہ میں پاکستان کے مستقل مندوب عاصم افتخار نے یہ بات او آئی سی گروپ کے سفیروں کو جنوبی ایشیا کی تازہ ترین صورتحال سے آگاہ کرتے ہوئے کہی۔یہ میٹنگ نیویارک میں ہوئی۔
پاکستانی مشن کے مطابق او آئی سی اراکین نے حکومت پاکستان اورپاکستانی عوام سے اپنی مکمل حمایت اور یکجہتی کا اظہار کیا ۔
عاصم افتخار نے کہا ہے کہ بھارت سیاسی بنیادوں پر اور غیر ذمہ دارانہ انداز سے انتہائی اشتعال انگیزی پر اترا ہوا ہے جو کہ علاقائی امن اور استحکام کیلئے سنگین خطرہ ہے۔
آئی سی اراکین نے زور دیا کہ سفارت کاری کے ذریعے کشیدگی ختم کی جائے اور مسائل کی جڑوں کو ختم کیا جائے جس میں جموں و کشمیر کے تنازعہ کا اقوام متحدہ کی سلامتی کونسل اور او آئی سی کی قرار دادوں کے مطابق منصفانہ حل بھی شامل ہے۔
