07 مئی ، 2025 
بھارتی جارحیت کے بعد سائبر حملوں کا خدشہ، ریڈ الرٹ جاری
07 مئی ، 2025
نیشنل سائبر ایمرجنسی رسپانس ٹیم نے بھارتی جارحیت کے بعد ملک میں سائبرحملوں کے پیش نظر اہم ایڈوائزری جاری کر دی۔
نیشنل سائبرایمرجنسی رسپانس ٹیم کی جانب سے جاری ایڈوائزری کے مطابق سائبر حملوں کا مقصد پاکستان کے اہم نیٹ ورکس کو متاثرکرنا ہے، دشمن عناصر موجودہ حالات کا فائدہ اٹھاتے ہوئے سائبر حملوں میں غلط معلومات پھیلا رہےہیں۔
ایڈوائزری میں بتایا گیا ہے کہ یہ عناصر فریب پر مبنی پیغامات، فشنگ اسکیمز اور جھوٹی کہانیوں سے عوام کوگمراہ کر رہے ہیں۔
نیشنل سائبرایمرجنسی رسپانس ٹیم کی ایڈوائزری میں سوشل میڈیا پرپاکستان پر سائبرحملوں سے متعلق غیر مصدقہ معلومات یا افواہیں ہرگز شیئرنہ کرنےکی تجویز دی گئی ہے، ساتھ ہی صارفین کو مشتبہ لنکس پر کلک نہ کرنے، غیر مصدقہ پیغامات، ای میلز یا سوشل میڈیا لنکس نہ کھولنے کی بھی تجویز دی گئی ہے۔
نیشنل سائبر ایمرجنسی رسپانس ٹیم ایڈوائزری کے مطابق دشمن عناصر غیریقینی صورتحال پیدا کرنےکی کوشش کرتے ہیں لہٰذا صرف مستند ذرائع سے معلومات حاصل کریں، صرف سرکاری یا ایمرجنسی ذرائع سے اپ ڈیٹس لیں اور واٹس ایپ یا سوشل میڈیا پر آنے والی افواہوں پر یقین نہ کریں۔
مزید خبریں :
ایکس میں ایک نئے تجرباتی فیچر کی آزمائش
3 گھنٹے پہلے
چیٹ جی پی ٹی میں متعدد نئے فیچرز کا اضافہ
5 گھنٹے پہلے
یوٹیوب نے متعدد پرانے آئی فونز کے لیے سپورٹ ختم کر دی
04 جون ، 2025
ٹک ٹاک فار یو فیڈ کے لیے نئے ٹولز متعارف کرا دیے گئے
04 جون ، 2025
اب آپ اپنے اینڈرائیڈ فون میں فوٹو شاپ استعمال کرسکتے ہیں
04 جون ، 2025
