09 مئی ، 2025 
بھارت سے کشیدگی کے دوران پاکستانیوں کی اکثریت حکومت کی سفارتکاری سے مطمئن
09 مئی ، 2025
بھارت سے کشیدگی کے دوران پاکستان کی سفارت کاری سے 65 فیصد پاکستانی مطمئن ہیں جنہوں نے حکومت کی خارجہ پالیسی کی تعریف کرتے ہوئے اسے اچھا قرار دیا۔
گیلپ پاکستان کے نئے سروے کے مطابق 15 فیصد پاکستانی حکومتی خارجہ پالیسی سے غیر مطمئن بھی دکھائی دیے۔
بھارتی اقدامات کے جواب میں سیاسی جماعتوں کے اتحاد سے بھی پاکستانیوں کی اکثریت مطمئن نظر آئی، 64 فیصد نے تمام سیاسی جماعتوں کے اتحاد کو خوش آئند قرار دیا جبکہ 22 فیصد نے عدم اطمینان کا اظہار کیا۔
بھارت سے جنگ کی صورت میں 78 فیصد پاکستانیوں نے چین پر سب سے زیادہ بھروسا ہونے کا کہا، 66 فیصد نے ترکیے، 63 فیصد نے سعودی عرب، 60 فیصد نے ایران، 56 فیصد نے بنگلادیش جبکہ 51 فیصد نے افغانستان کی جانب سے پاکستان کو بھرپور مدد ملنے کی امید کی جبکہ مغربی ممالک کی جانب سے پاکستان کو کم مدد ملنے کا کہا گیا ۔
