13 مئی ، 2025 
سابق ڈبلیو ڈبلیو ای اسٹار ریسلر 60 برس کی عمر میں چل بسے
13 مئی ، 2025
امریکاسے تعلق رکھنے والے سابق ڈبلیو ڈبلیو ای ریسلر 'سابو'60 برس کی عمر میں انتقال کر گئے۔
غیرملکی میڈیا رپورٹس کے مطابق گزشتہ ماہ اپریل میں ریسلنگ سے ریٹائر ہونے والے معروف ریسلر سابو کا انتقال 11 مئی 2025 کو ہوا۔
رپورٹ میں بتایا گیا کہ اب تک ان کی موت کی وجوہات ظاہر نہیں کی گئی ہیں۔
سابو، جن کا اصل نام ٹیرنس برَنک تھا، ہارڈکور ریسلنگ کے ایک بہترین ریسلر کے طور پر جانے جاتے تھے۔ وہ اپنے خطرناک اور بےخوف انداز کے لیے مشہور تھے۔
سابو نے اپنے کیریئر میں کئی مشہور ریسلنگ تنظیموں میں شرکت کی، جن میں ڈبلیو ڈبلیو ای (1993)، یونائیٹڈ اسٹیٹس ریسلنگ ایسوسی ایشن، نیو جاپان پرو ریسلنگ، ورلڈ چیمپئن شپ ریسلنگ اور دیگر شامل ہیں۔
انہوں نے اپنا آخری ریسلنگ مقابلہ 18 اپریل 2025 کو لڑا تھا، جس کے بعد وہ باقاعدہ طور پر ریسلنگ سے ریٹائر ہو گئے تھے۔
ان کے جانے سے ریسلنگ کی دنیا ایک عظیم ریسلر سے محروم ہو گئی ہے۔
مزید خبریں :
پی سی بی کا معطل شدہ ڈومیسٹک کرکٹ بحال کرنے کا فیصلہ
12 مئی ، 2025
ویرات کوہلی نے ٹیسٹ کرکٹ سے ریٹائرمنٹ کا اعلان کردیا
12 مئی ، 2025
