14 مئی ، 2025 
آذربائیجان نے کسی دباؤ پر جھکنا نہیں سیکھا، اپنے بھائی پاکستان کے جائز مؤقف پر ساتھ کھڑے ہیں، احمد شائراولو
14 مئی ، 2025
آذربایجان کےانسٹی ٹیوٹ فار ڈیموکریسی اینڈ ہیومن رائٹس کے سربراہ ڈاکٹر احمد شائراولو کا کہنا ہے کہ پاکستان نے بھارتی دھمکیوں کا منہ توڑ جواب دے دیا۔
سماجی رابطے کے پلیٹ فارم ایکس پر اپنے بیان میں انہوں نے کہا کہ آذربائیجان کو پابندیوں اور سفری بائیکاٹ کی دھمکیاں دینے والے بغور تاریخ پڑھیں، آذربائیجان کی قوم نے کسی دباؤ کے آگے جھکنا نہیں سیکھا۔
ڈاکٹر احمد شائر اولو نے کہا کہ ہم اپنے بھائی پاکستان کے جائز مؤقف پر مضبوطی سے اس کے ساتھ کھڑے ہیں، کوئی بھی سیاسی دھمکی ہمارا مؤقف تبدیل نہیں کر سکتی۔
انہوں نے مزید کہا کہ انڈین ٹورازم کمپنیاں بائیکاٹ یامعاشی دباؤ کی بات کی ہے لیکن باکو نے واضح جواب دے دیا ہے، ہم اپنا انصاف پسند مؤقف نہیں چھوڑیں گے۔
احمد شائر اولو کا کہنا تھا کہ آذربائیجان نے کبھی ذاتی فائدے کے لیے کسی بھائی کو دھوکا نہیں دیا، ہماری دوستی کاروبار نہیں، یہ اقدار کا معاملہ ہے، ہم ناصرف اپنی معیشت بلکہ اپنی سیاسی آزادی کا بھی تحفظ کرتے ہیں۔
انہوں نے کہا کہ ہو سکتا ہے سیاح کم آئیں، چاول کی کچھ برآمد رک جائے لیکن عزت اور بھائی چارہ ہمیشہ رہے گا۔
