15 مئی ، 2025 
یوٹیوب میں ایک ایسی تبدیلی جو آپ کو بالکل پسند نہیں آئے گی
15 مئی ، 2025
دنیا کی مقبول ترین ویڈیو شیئرنگ سروس یوٹیوب میں ایک ایسی تبدیلی کی جا رہی ہے جو آپ کو بالکل پسند نہیں آئے گی۔
یوٹیوب میں کافی عرصے سے صارفین کو اشتہارات دیکھنے پر مجبور کرنے لیے کام کیا جا رہا ہے۔
2023 کے شروع میں یوٹیوب میں ایسے اشتہارات دکھانے کا سلسلہ شروع کیا گیا تھا جن کو اسکیپ کرنا ممکن نہیں تھا جبکہ دسمبر 2023 میں اسمارٹ ٹیلی ویژن (ٹی وی) پر طویل اشتہارات دکھائے جانے لگے۔
اب یوٹیوب میں ایک اور بڑی تبدیلی کی جا رہی ہے۔
اب ویڈیو شیئرنگ سروس میں ویڈیوز کے اہم ترین لمحات کے موقع پر اشتہارات دکھائے جائیں گے۔
اس کا اعلان کمپنی کی جانب سے کرتے ہوئے بتایا گیا کہ پیک پوائنٹس نامی فیچر کو یوٹیوب کا حصہ بنایا جا رہا ہے۔
اس فیچر کے جیمنائی اے آئی ماڈل کو استعمال کیا جائے گا اور ویڈیوز کے اہم ترین یا سب سے بامقصد لمحات کے موقع پر اشتہارات کو دکھایا جائے گا۔
کمپنی نے بتایا کہ ان اشتہارات کو ایسے موقع پر دکھایا جائے گا جب ناظرین ویڈیو سے سب سے زیادہ جڑے ہوتے ہیں اور اس سے کریٹیرز کو اشتہارات کے ذریعے زیادہ کمانے کا موقع ملے گا۔
ویسے یہ کوئی حیران کن اقدام نہیں کیونکہ یوٹیوب کی جانب سے حالیہ برسوں میں اشتہارات کی تعداد میں نمایاں اضافہ کیا گیا ہے۔
مزید خبریں :
گوگل کے ہوم پیج پر برسوں بعد بڑی تبدیلی
9 گھنٹے پہلے
ٹک ٹاک میں ایک دلچسپ فیچر صارفین کیلئے متعارف
14 مئی ، 2025
چیٹ جی پی ٹی میں صارفین کیلئے ایک بہترین فیچر کا اضافہ
14 مئی ، 2025
مریخ پر سیال پانی کی دریافت میں اہم ترین پیشرفت
13 مئی ، 2025
اب آپ کے آئی فون کی بیٹری لائف بہت زیادہ بہتر ہو جائے گی
13 مئی ، 2025
دہائی بعد گوگل نے اپنے لوگو میں تبدیلی کرلی
13 مئی ، 2025
