16 مئی ، 2025 
پاکستانی کاروباری برادری کا ’سپورٹ ترکیہ‘ مہم شروع کرنےکا فیصلہ
16 مئی ، 2025
پاکستان کی کاروباری برادری نے ’سپورٹ ترکیہ‘ مہم شروع کرنےکا فیصلہ کرلیا۔
فیڈریشن آف پاکستان چیمبر آف کامرس اینڈ انڈسٹریز (ایف پی سی سی آئی) کے قائم مقام صدر نے کہا ہے کہ ترکیے سے خام مال اور دیگر امپورٹ فوری بڑھائی جائے۔
ایف پی سی سی آئی کے قائم مقام صدر نےیہ بھی کہا کہ کاروباری طبقہ ترکیےکو معمول سے ہٹ کر سپورٹ کرے۔
خیال رہہ کہ حالیہ پاک بھارت تنازع میں پاکستان کی حمایت کرنے پر بھارت میں ترکیہ کے خلاف مہم جاری ہے۔
بھارتی وزارتِ شہری ہوابازی نے جمعرات کے روز قومی سلامتی کے حوالے سے خدشات کو بنیاد بناکر بھارت میں کام کرنے والی ترک کمپنی جلیبی ائیرپورٹ سروسز کی سکیورٹی کلیئرنس منسوخ کردی تھی۔
بھارتی میڈیا کے مطابق پونےشہر کے تاجر ترک سیبوں کے بائیکاٹ کی مہم چلا رہے ہیں اور تاجروں کی جانب سے ترکیہ کے سیب کا بائیکاٹ کرنے کا مطالبہ کیا جارہاہے۔
مزید خبریں :
دو روز کی مسلسل کمی کے بعد سونے کی قیمت میں اضافہ ہوگیا
16 مئی ، 2025
حکومت نے پیٹرولیم مصنوعات کی نئی قیمتوں کا اعلان کر دیا
16 مئی ، 2025
