17 مئی ، 2025 
شان مسعود کیلئے ٹیسٹ کپتانی برقرار رکھنا مشکل، انکے متبادل کا نام بھی سامنے آگیا
17 مئی ، 2025
مسلسل خراب کارکردگی کے باعث ٹیسٹ کپتان شان مسعود کیلئے قومی ٹیسٹ ٹیم کی قیادت برقرار رکھنا مشکل ہو گیا ہے۔
پاکستان کو اگلی ٹیسٹ سیریز اکتوبر میں جنوبی افریقا کے خلاف کھیلنی ہے اور ذرائع کا بتانا ہے کہ مسلسل خراب کارکردگی کے باعث شان مسعود کے لیے کپتانی برقرار رکھنا مشکل دکھائی دے رہا ہے۔
ذرائع کے مطابق اگر کپتان شان مسعود کو ٹیسٹ کپتانی سے ہٹایا گیا تو سعود شکیل ممکنہ اُمیدوار ہو سکتے ہیں تاہم نئے ہیڈ کوچ مائیک ہیسن کی تقرری کے بعد ان کی رائے بھی کپتان کی تقرری میں اہم ہوگی۔
یہاں یہ بات بھی قابل ذکر ہے کہ شان مسعود جنہیں نومبر 2023 میں ٹیسٹ کپتان مقرر کیا گیا تھا ان کی کپتانی میں پاکستان نے 12 ٹیسٹ میچ کھیلے جن میں سے صرف 3 جیتے اور 9 میں شکست ہوئی۔
آئی سی سی ورلڈ ٹیسٹ چیمپئن شپ کے سرکل میں پاکستان کا سفر مایوس کن رہا اور پاکستان ٹیم پوائنٹس ٹیبل پر نویں نمبر پر رہی۔
مزید خبریں :
ویسٹ ایشیا بیس بال کپ میں پاکستان کی مسلسل دوسری فتح
2 گھنٹے پہلے
