17 مئی ، 2025 
پی ایس ایل 10: کراچی کنگز نے پشاور زلمی کو 23 رنز سے ہرا دیا
17 مئی ، 2025
ایچ بی ایل پاکستان سپر لیگ (پی ایس ایل) 10 کے27 ویں میچ میں کراچی کنگز نے پشاور زلمی کو 23 رنز سے ہرا کر پلے آف کے لیے کوالیفائی کرلیا۔
راولپنڈی میں کھیلے گئے میچ میں پشاور زلمی نے کراچی کنگز کےخلاف ٹاس جیت کر فیلڈنگ کا فیصلہ کیا۔
کراچی کنگز نے پہلے کھیلتے ہوئے مقررہ 20 اوورز میں 4 وکٹ کے نقصان پر 237 رنز بنائے۔
کراچی کنگز کےکپتان ڈیوڈ وارنر نے 86 اور جیمز ونس نے 72 رنز بنائے۔ خوشدل شاہ 43 اور محمد نبی 26 رنز بناکر ناٹ آؤٹ رہے۔
پشاور زلمی کی جانب سے لیوک ووڈ نے 2 کھلاڑیوں کو آؤٹ کیا، علی رضا اور عارف یعقوب نے ایک ایک وکٹ لی۔
238 رنز کے ہدف کے جواب میں پشاور زلمی کی ٹیم 5 وکٹ پر 214 رنز بناسکی۔
پشاور زلمی کی جانب سے بابراعظم 94 اور صائم ایوب47 رنز بنا کر نمایاں رہے۔
کراچی کنگز نے فتح کے بعد پلے آف کے لیے کوالیفائی کرلیا ہے جب کہ کوئٹہ گلیڈی ایٹرز پہلے ہی پلے آف کے لیےکوالیفائی کرچکی ہے۔
اسلام آباد یونائیٹڈ کے 9 میچوں کے بعد 10 پوائنٹ ہیں جب کہ لاہور قلندرز کے 9 میچوں کے بعد 9 پوائنٹ ہیں اور ملتان سلطانز ایونٹ سے باہر ہوچکی ہے۔
مزید خبریں :
ویسٹ ایشیا بیس بال کپ میں پاکستان کی مسلسل دوسری فتح
9 گھنٹے پہلے
