01 جون ، 2025 
دنیا
فوٹو: فائل
عرب وزرائے خارجہ کو رام اللہ جانے کی اجازت نہ دینے سے اسرائیل کی انتہاپسندی ثابت ہوگئی، سعودی وزیر خارجہ
01 جون ، 2025
اسرائیل کی جانب سے عرب وزرائے خارجہ کو رام اللہ جانے کی اجازت نہ دینے پر سعودی وزیر خارجہ کا ردعمل سامنے آگیا۔
سعودی وزیر خارجہ شہزادہ فیصل بن فرحان کا کہنا ہے کہ رام اللہ کے دورے کی اجازت نہ دینے سے اسرائیل کی انتہاپسندی ثابت ہوگئی۔
انہوں نے کہا کہ عرب وزرا کو مقبوضہ مغربی کنارے میں جانے سے روکنا اسرائیلی حکومت کا امن کے منافی اقدام ہے، اس اقدام سے اسرائیلی تکبر کے خلاف ہماری سفارتی کوششوں کو دگنا کرنے کےعزم کو تقویت ملی۔
خیال رہے کہ سعودی عرب، مصر، اردن، قطر اور متحدہ عرب امارات کے وزرائے خارجہ کو آج رام اللہ کا دورہ کرنا تھا، اسرائیلی حکومت نےگزشتہ روز عرب وزرا کے وفد کو رام اللہ جانے کی اجازت دینے سے انکار کر دیا تھا۔
مزید خبریں :
او آئی سی کا سندھ طاس معاہدہ برقرار رکھنے پر زور
60 منٹ پہلے
مراکش کے بادشاہ کی عوام سے قربانی نہ کرنےکی اپیل
9 گھنٹے پہلے
