06 جون ، 2025 
ٹرمپ انتظامیہ کی نئی سفری پابندیوں نے فیفا ورلڈکپ شائقین کیلئے مشکلات کھڑی کردیں
06 جون ، 2025
ٹرمپ انتظامیہ کی نئی سفری پابندیوں نے فیفا ورلڈکپ شائقین کے لیے بھی مشکلات کھڑی کردیں۔
امریکا کی سفری پابندی کا شکار ممالک میں سے ایران ورلڈ کپ میں کوالیفائی کر چکا ہے جبکہ ہیٹی اور لیبیا دوڑ میں شامل ہیں۔
امریکی اخبار کی رپورٹ کے مطابق اگر یہ ٹیمیں ورلڈ کپ تک پہنچ گئیں تو انہیں استثنیٰ حاصل ہوگا لیکن شائقین اور دیگر شہریوں کے لیے پابندیاں برقرار رہیں گی۔
یوں ٹرمپ انتظامیہ کی جانب سے لگائی گئی سفری پابندیوں کی وجہ سے دنیا بھر سے فٹبال شائقین کی ٹورنامنٹس میں شرکت مشکوک ہوگئی ہے۔
خیال رہے کہ امریکا آئندہ 13 ماہ میں فیفا کلب ورلڈکپ اور 2026 میں فیفا ورلڈکپ جیسے بڑے فٹ بال مقابلوں کی میزبانی کرے گا۔
یاد رہے کہ صدر ڈونلڈ ٹرمپ 12 ممالک کے شہریوں پر امریکا میں داخلے پر پابندی لگا چکے ہیں جن میں افغانستان، ایران، سوڈان، لیبیا، یمن، صومالیہ، ہیٹی، برما اور دیگر ممالک شامل ہیں۔
مزید خبریں :
پی سی بی کا قومی سلیکشن کمیٹی میں ردو بدل کا فیصلہ
04 جون ، 2025
