ایران کے جوابی حملوں میں 4 اسرائیلی ہلاک، درجنوں زخمی اور کئی مکانات مکمل تباہ

ایران کا اسرائیل کے خلاف آپریشن  وعدہ صادق سوم جاری ہے اورایرانی حملوں کے نتیجے میں 4 اسرائیلی ہلاک ہوگئے۔

گزشتہ روز اسرائیل نے ایران کے مختلف شہروں پر حملہ کیا تھا۔ ایران نے گزشتہ شب جوابی حملے کیے اور اسرائیل پر بیلسٹک میزائلوں کی بارش کی، ایران نے  200  سے زائد میزائل داغے جس کے نتیجے میں 4 اسرائیلی ہلاک اور  90  سے  زائد  زخمی ہوگئے۔

اسرائیلی میڈیا  نے  تل ابیب کے جنوب میں ایرانی میزائل حملے میں 3 اسرائیلیوں کی ہلاکت اور  درجنوں کے زخمی ہونے کی تصدیق کی ہے۔

ایران کی جوابی کارروائی شروع، اسرائیل پر 100 سے زائد بیلسٹک میزائل داغ دیے، تل ابیب میں دھماکے

اسرائیلی فوج کی جانب سے اسرائیلی شہریوں کو تا حکم ثانی محفوظ مقامات پر رہنے کی ہدایت کی گئی ہے

رپورٹس کے مطابق ایران نے تل ابیب میں 7 مقامات کونشانہ بنایا، جوابی حملوں کے بعد  تل ابیب، ساحلی شہر  حیفہ  سمیت مختلف شہروں میں سائرن بجتے رہے،  ایران نے 3 ائیربیسز، فوجی ہیڈکوارٹر  اور جوہری تحقیقی مرکز کو  نشانہ بنانے کا دعویٰ کیا۔

ایران کی جانب سے کیے جانے والے جوابی کارروائی میں  9 عمارتیں مکمل تباہ  اور  سیکڑوں اپارٹمنٹس کو نقصان پہنچا۔

میزائل حملوں کے بعد خوفزدہ اسرائیلی شہری جان بچانے کیلئے بنکروں کی جانب بھاگتے رہے۔

سپاہ پاسداران انقلاب کے اعلیٰ کمانڈر  جنرل وحیدی نے کہا ہے کہ ایران نے میزائل حملوں میں صہیونی حکومت کے اہم فضائی اڈوں اور  دفاعی صنعتی مراکز کو نشانہ بنایا ہے، انہوں نے کہا کہ آپریشن وعدہ صادق سوم جب تک ضروری ہوا جاری رہےگا۔ 

یاد رہے کہ اسرائیلی فوج نےگزشتہ روز  ایران پر شدید حملے کیے جس کے نتیجے میں  9 سائنسدانوں اور  عسکری قیادت سمیت  80 سے  زائد افراد شہید ہوئے جس کے بعد ایران نے  اسرائیل کے خلاف  وعدہ صادق سوم کے نام سے آپریشن کا آغاز کیا۔

اہداف پورے ہونے تک ایران پر حملے جاری رہیں گے: اسرائیلی وزیراعظم

اسرائیل کی بقا کو واضح اور فوری خطرہ ہے، ایران کو نہ روکا گیا تو وہ کم وقت میں جوہری ہتھیار بنانے میں کامیاب ہو سکتا ہے: نیتن یاہو

اسرائیل نے ایران کیخلاف جنگ چھیڑ دی، فضائی حملوں میں جوہری اور فوجی اہداف کو نشانہ بنانے کا دعویٰ

ایران پر حملے کا پہلا مرحلہ مکمل کر لیا ہے، حملوں میں ایران کے جوہری اہداف سمیت درجنوں فوجی اہداف شامل ہیں: اسرائیلی فوج