14 جون ، 2025 
حکومت نے ایران سے متعلق پاکستانی شہریوں کیلئے ٹریول ایڈوائزری جاری کردی
14 جون ، 2025
اسلام آباد: حکومت پاکستان نے ایران سے متعلق پاکستانی شہریوں کے لیے ٹریول ایڈوائزری جاری کردی ہے۔
وفاقی وزارت داخلہ کی جانب سے جاری اعلامیے میں کہا گیا ہےکہ اسرائیلی حملوں کے پیش نظرپاکستانی شہری ایران کا سفر نہ کریں۔
وزارت داخلہ کا کہنا ہےکہ حکومت پاکستان اپنےشہریوں کی سلامتی اور حفاظت کے لیے صورتحال پرگہری نگاہ رکھے ہوئے ہے۔
وزارت داخلہ کے مطابق ایران میں موجود پاکستانیوں کی بحفاظت وطن واپسی کے لیے ضروری اقدامات اور انتظامات جاری ہیں۔
یاد رہے کہ اسرائیلی فوج نےگزشتہ روز ایران پر شدید حملے کیے جس کے نتیجے میں 9 سائنسدانوں اور عسکری قیادت سمیت 80 سے زائد افراد شہید ہوئے تھے۔ جس کے بعد ایران نے جوابی حملے کیے اور اسرائیل پر بیلسٹک میزائلوں کی بارش کی، ایران نے 200 سے زائد میزائل داغے جس کے نتیجے میں 4 اسرائیلی ہلاک اور 90 سے زائد زخمی ہوگئے۔
مزید خبریں :
گوادر میں زلزلےکے جھٹکے، شدت 4.9 ریکارڈ
14 جون ، 2025
رواں سال حج کے دوران کتنے پاکستانی وفات پاگئے؟
14 جون ، 2025
مسلم دنیا متحد نہ ہوئی تو سب کی باری آئے گی: خواجہ آصف
14 جون ، 2025
