17 جون ، 2025 
ایران کا اسرائیل پر سائبر حملہ، اسرائیلی شہریوں کو موبائل پر کیا پیغامات موصول ہوئے؟
17 جون ، 2025
ایران کی جانب سے اب اسرائیل پر سائبر حملہ کیا گیا جس میں موبائل فونز کو نشانہ بنایا گیا۔
اسرائیل میڈیا کے مطابق ایران نے اسرائیل پر سائبر حملہ کیا ہے جس میں اسرائیلی شہریوں کو موبائل پر پناہ گاہوں میں جانے اور ایندھن ذخیرہ کرنے کے پیغامات موصول ہوئے ہیں۔
اسرائیلی حکام نے شہریوں کو ہدایت جاری کی ہے کہ یہ ایران کا سائبرحملہ ہے، عوام اس پر توجہ نہ دیں۔
اس کے علاوہ اسرائیلی ٹی وی چینل لائیو پروگرام کے دوران مبینہ طور پر ہیک کر لیا گیا ، اینکر حیران رہ گئے۔
واضح رہے کہ پیر اور منگل کی درمیانی شب ایران نے اسرائیلی پر ایک اور بڑا حملہ کیا جس میں تل ابیب اور حیفہ پر میزائل اور ڈرونز داغے گئے۔
ایرانی حملےکے باعث حیفہ ریفائنری کی پیداوار مکمل طور پر رک گئی اور 3 ملازمین بھی ہلاک ہوگئے۔
ایرانی پاسداران انقلاب کا کہنا ہے کہ اسرائیل پر صبح تک حملے جاری رکھیں گے ۔
اس سے قبل پیر کو بھی ایران نے اسرائیل پر درجنوں میزائلوں سے حملہ کیا تھا جس میں کم ازکم 8 اسرائیلی ہلاک اور 92 زخمی ہوئے۔
واضح رہے کہ جمعہ سے اب تک ایرانی میزائل حملوں میں 24اسرائیلی ہلاک اور 600 زخمی ہو چکے ہیں۔
مزید خبریں :
ایران پر اسرائیلی حملے کی اصل وجہ کیا ہے؟
5 گھنٹے پہلے
ایران نے تل ابیب اور حیفہ پر میزائل و ڈرونز داغ دیے
7 گھنٹے پہلے
