19 جون ، 2025 
جرائم
گرفتار اشتہاری مجرم غلام عباس 2015 میں سیالکوٹ کے شہری کو قتل کرکے آذر بائیجان فرار ہو گیا تھا/ فائل فوٹو
قتل میں ملوث 10 سال سے مفرور اشتہاری مجرم آذربائیجان سے گرفتار
19 جون ، 2025
کرائم کنٹرول ڈپارٹمنٹ (سی سی ڈی) نے مقدمہ قتل میں ملوث 10سال سے مفرور اشتہاری مجرم کو آذربائیجان سے گرفتار کرلیا۔
ترجمان سی سی ڈی پنجاب کے مطابق گرفتار اشتہاری مجرم غلام عباس 2015 میں سیالکوٹ کے شہری کو قتل کرکے آذر بائیجان فرار ہو گیا تھا۔
ترجمان نے بتایا کہ سی سی ڈی کے اسپیشل آپریشنز سیل نے مجرم کی گرفتاری کے لیے انٹرپول سے ریڈ نوٹس جاری کروایا تھا جس کے بعد سی سی ڈی ٹیم مجرم کو لے کر آذربائیجان سے پاکستان روانہ ہوگئی ہے۔
ادھر ایڈیشنل آئی جی سی سی ڈی سہیل ظفر چٹھہ نے اشتہاری مجرم کی گرفتاری پر اسپیشل آپریشنز سیل کی ٹیم کو شاباش بھی دی ہے۔
