01 دسمبر ، 2013 
لاہور ائیر پورٹ پر اداکارہ لیلیٰ کے ایکشن،سیٹیاں بجاتی رہیں
01 دسمبر ، 2013
لاہور…لاہور کے علامہ اقبال انٹرنیشنل ایئرپورٹ پر اداکارہ لیلیٰ بھرپور ایکشن میں نظر آئیں۔ان کی بیساختہ ،سپراسٹارپرفارمنس کو سبھی نے دیکھا اور بھرپورانجوائے کیا ،اداکارہ لیلیٰ کراچی سے قومی ایئرلائن کی پرواز پر لاہور پہنچی تھیں ،سیاہ چشمہ لگائے ایئرپورٹ لاوٴنج سے جونہی باہر نکلیں ،سامنے بیشمار ٹی وی کیمرے اور میڈیا موجود تھا،جو آئے تو تھے کرکٹر محمد حفیظ کیلیے مگر انہیں دیکھ کر لیلیٰ حیرانی ،خوشی اور بے خودی میں مجنوں سی ہو گئیں ،اسی کیفیت میں ایک عزیز کو گلے لگا لیا ،جس پر قریب موجود لوگوں نے خوب سیٹیا ں بجائیں، لیلیٰ کی آنکھوں میں شاید کسی ہالی وڈ ہیروئن کے استقبال کا منظر گھوم گیا ،جھوم اٹھیں ، خوشی میں اٹھلاتی ،ہاتھوں پہ ہاتھ مارتی وہ اسی انداز میں واپس چلی گئیں۔
