دنیا
06 دسمبر ، 2013
06 دسمبر ، 2013 
دودھ میں ملاوٹ کرنے والوں کو عمرقید کی سزا ملنی چاہیے؛ بھارتی سپریم کورٹ
06 دسمبر ، 2013
نئی دلی…بھارتی سپریم کورٹ نے ریمارکس دیے ہیں کہ دودھ میں ملاوٹ کرنے والوں کو عمرقید کی سزا ملنی چاہیے، حکومتیں اس کے لیے قانون سازی کریں،جسٹس سِکری اور جسٹس رادھاکشن پر مشتمل بینچ نے کیس کی سماعت کی۔ عدالت کو بتایا گیا کہ اترپردیش، مغربی بنگال اور اڑیسہ میں ملاوٹ شدہ دودھ فروخت کیا جارہا ہے۔ فاضل ججوں نے کہا کہ ریاستی حکومتوں کو قوانین میں ترمیم کرکے اس کی سزا عمر قید کرنی چاہیے، اس وقت قانون کے مطابق دودھ میں ملاوٹ کرنے والوں کو صرف چھ ماہ قید کی سزا ہوسکتی ہے جو بالکل ناکافی ہے۔
