پاکستان
10 ستمبر ، 2014
10 ستمبر ، 2014 
کراچی:حیدری میں فائرنگ، جامعہ بنوریہ کے استادمولانا مسعود جاں بحق
10 ستمبر ، 2014
کراچی.....کراچی کے علاقے حیدری میں کار پر فائرنگ سے جامعہ بنوریہ کے استاد مولانا مسعود بیگ جاں بحق ہوگئے۔ پولیس کے مطابق حیدری کے علاقے میں دو موٹرسائیکلوں پر سوار چار مسلح ملزمان نے گاڑی پراندھا دھند فائرنگ کردی جس کے نتیجے میں گاڑی میں سوار جامعہ بنوریہ کے مہتمم مفتی نعیم کے داماد استاد مولانا مسعود بیگ موقع پر جاں بحق ہوگئے۔ ملزمان موقع سے فرار ہوگئے۔ واقعے کے بعد علاقے میں خوف و ہراس پھیل گیا اور کاروباری مراکز بند ہوگئے۔پولیس نے علاقے کو گھیرے میں لے کر تحقیقات شروع کردیں۔
