مٹیاری......ضلع مٹیاری میں سفاک باپ نے اپنے 5 کمسن بچوں کو گلہ گھونٹ کر مار ڈالا۔ ایک بچہ گھر میں موجود نہ ہونے کی وجہ سے زندہ بچ گیا۔ ملزم کو اہل علاقہ نےپکڑکر پولیس کے حوالے کردیا ہے۔باپ کے ہاتھوں اپنی ہی اولاد کے قتل کا یہ افسوسناک واقعہ ضلع مٹیاری کے نواحی علاقے ہالہ میں پیش آیا۔ قتل کیے گئے بچوں کی عمریں ایک سے بارہ سال کے درمیان ہیں۔ پولیس کےمطابق بچے سکون کی نیند سورہے تھے ۔ سفاک باپ کو ذرا بھی رحم نہ آیا ۔ وہ ظالم انسان ایک ایک بچےکوگلہ دبا کر قتل کرتا رہا۔ پانچوں بچوں کو مارنے کے بعد فرار ہونے کی کوشش کی۔ تاہم اہل محلہ نے ملزم کو پکڑ کر پولیس کو اطلاع کردی۔ پولیس کا کہنا ہے کہ ملزم کے ذہنی توازن کے حوالے سے اس کا میڈیکل چیک اپ کرایا جائے گا۔ اہل علاقہ کے مطابق ملزم نے کچھ روز قبل اپنی بیوی کو بھی تشدد کرکے گھر سے باہر نکال دیا تھا۔ ایک بچہ ملزم کے ہاتھوں قتل ہونے سے بچ گیا ۔ جو واردات کے وقت اپنے چچا کے گھر میں موجود تھا۔ بچوں کے قتل کی خبر ماں کے دل پر قیامت بن کر ٹوٹی ہے۔