’کراچی کنگز کا کم بیک مشکل لگ رہا ہے‘

time 28 جنوری ، 2022

محمد رضوان سیزن پلیئر بن گئے ہیں: انضمام الحق/فوٹوفائل

قومی ٹیم کے سابق کپتان انضمام الحق نے پاکستان سپر لیگ (پی ایس ایل) کے افتتاحی میچ میں کراچی کنگز کی شکست پر اپنے ردعمل کا اظہار کیا ہے۔

جیو نیوز کے پروگرام ’جشن کرکٹ‘ میں پی ایس ایل کے میچ سے متعلق گفتگو کرتے ہوئے انضمام الحق نے کہا کہ کراچی کنگز کا کم بیک مشکل لگ رہا ہے جبکہ ٹی ٹوئنٹی کے میچ ایسی پچ پر نہیں ہونے چاہئیں۔

سابق کپتان نے دوران گفتگو دفاعی چیمپئن ملتان سلطان کے کپتان محمد رضوان کی کارکردگی کو بھی سراہا اور کہا کہ محمد رضوان سیزن پلیئر بن گئے ہیں۔

انضام الحق کا کہنا تھا کہ کھلاڑی اچھا کھیلتا ہو تو ٹیم میں جگہ بن جاتی ہے، شرجیل اپنی فٹنس پر کام کرے تو بڑا کھلاڑی بن سکتا ہے۔

دوران پروگرام سابق کرکٹر سکندر بخت کا کہنا تھا کہ بابر اعظم کی بیٹنگ نکھرتی ہے جب سامنے رضوان کھیل رہا ہو۔

خیال رہے کہ گزشتہ روز پی ایس ایل 7 کے پہلے ٹاکرے میں ملتان سلطانز نے کراچی کنگز کو با آسانی 7 وکٹوں سے شکست دے دی تھی۔

کراچی کنگز نے مقررہ 20 اوورز میں 5 وکٹوں کے نقصان پر 124رنز بنائے، شرجیل خان43 اور جو کلارک 26 رنز بناکر نمایاں رہے، ملتان سلطانز نے 125 رنز کا ہدف باآسانی3 وکٹوں کے نقصان پر 19ویں اوور میں پورا کر لیا، کپتان محمد رضوان ناقابل شکست 52 رنز بناکر نمایاں رہے۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20