پاکستان سپر لیگ کے ساتویں ایڈیشن میں ٹیمز کا ایکشن تو اپنی جگہ لیکن اسٹیڈیم میں تماشائی بھی منفرد انداز کے باعث توجہ کا مرکز بنے ہوئے ہیں۔

قذافی اسٹیڈیم لاہور میں ملتان سلطانز اور قلندرز کا مقابلہ دیکھنے ایک جوڑا عروسی لباس میں نظر آیا جس نے لوگوں کی خوب توجہ سمیٹی۔

اس سے قبل کراچی میں ایک نوجوان واصف غفور نے ڈانس کرکے شائقین کی توجہ اپنی جانب مبذول کرائی تھی۔

لاہور نے اب تک ناقابل شکست رہنے والی ملتان سلطانز کو ہار کا مزہ چکھا دیا

183رنز کے ہدف کے تعاقب میں ملتان سلطانز کی ٹیم 20 ویں اوور میں130 رنز بناکر آؤٹ ہوگئی، صہیب مقصود 29 رنز بناکر نمایاں رہے۔

اس کے علاوہ ایک نوجوان مختلف ممالک کی شرٹس پہن کر کراچی کے نیشنل اسٹیڈیم پہنچا تھا، اور پھر پریزینٹر ایرن ہالینڈ کا اپنے شوہر پشاور کے بین کٹنگ کو سالگرہ کی مبارکباد دینے کا انداز کون بھول سکتا ہے۔

یاد رہے کہ گزشتہ شب لاہور قلندرز نے بہترین کھیل کا مظاہرہ پیش کیا اور اب تک ایونٹ میں ناقابلِ شکست رہنے والی ٹیم ملتان سلطانز کو 52 رنز سے شکست دی۔