’اگر پاکستانی کھلاڑی دوسرے ملک میں فالکنر جیسی حرکت کرتا تو سخت ایکشن ہوتا‘

time 20 فروری ، 2022

پاکستان کرکٹ ٹیم کے سابق کپتان اور سابق چیف سلیکٹر انضمام الحق نے آسٹریلوی کرکٹر جیمز فالکنر کے رویے کی سخت الفاظ میں مذمت کی ہے۔

جیو نیوز کے پروگرام 'جشنِ کرکٹ' میں گفتگو کرتے ہوئے انضمام الحق نے کہا کہ ہر اس کھلاڑی کے خلاف سخت ایکشن لینا چاہیے جو اس قسم کی الزام تراشی میں ملوث ہے۔

انہوں نے کہا کہ جیمز فالکنر نے بہت غلط حرکت کی، پاکستان کرکٹ بورڈ کو جیمز فالکنر کی اس حرکت سے سختی سے نمٹنا چاہیے کیونکہ اس قسم کی چیزیں ملک کے وقار اور عزت کے لیے انتہائی اہم ہوتی ہیں۔

یہ بھی پڑھیں

سابق کپتان کا کہنا تھا کہ اگر کوئی پاکستانی کھلاڑی کسی دوسرے ملک میں ایسا کرتا تو اس کے خلاف سخت ایکشن ہوتا۔

اس موقع پر انضمام الحق نے پاکستان کرکٹ کے سابق ہیڈ کوچ باب وولمر کے واقعے کو یاد کیا اور کہا کہ انہوں نے 2007 کے ورلڈ کپ میں آئرلینڈ کے خلاف پاکستان کی ہار کو اپنے دل پر لیا اور خودکشی کر لی، اس کے بعد پاکستان کے خلاف مکمل تحقیقات کی گئی تھیں۔

جیمز فالکنر کا معاملہ کیا ہے؟

واضح رہے کہ پی ایس ایل کی ٹیم کوئٹہ گلیڈی ایٹرز کے آل راؤنڈر جیمز فالکنر نے پی سی بی پر الزام عائد کرتے ہوئے کہا تھا کہ ان سے معاہدے کی پاسداری نہیں کی گئی۔

آسٹریلوی کرکٹر نے اپنے ٹوئٹر بیان میں مزید کہا کہ وہ اپنے پورے وقت کے لیے یہاں موجود رہے ہیں لیکن ان سے بورڈ نے مسلسل جھوٹ بولا جس وجہ سے وہ دلبرداشتہ ہوئے اور لیگ کو چھوڑا۔

دوسری جانب پاکستان کرکٹ بورڈ نے جیمز فالکنر کے الزامات کو بے بنیاد اور جھوٹ قرار دیتے ہوئے کہا کہ کرکٹر کے الزامات کا جلد تفصیلی جواب دیا جائے گا۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20

Tweets by geonews_sport