آفریدی کو ہونیوالے داماد شاہین میں اپنی جھلک نظر آنے لگی

time 22 فروری ، 2022

شاہین نے آخری اوور میں 1 چوکا اور 3 چھکے لگاکر میچ ٹائی کیا جس سے میچ سپر اوور میں جا پہنچا__فوٹو: ٹوئٹر/شاہد آفریدی

لاہور قلندرز کے کپتان اور فاسٹ بولر شاہین شاہ آفریدی نے پاکستان سپر لیگ 7 کے 30 ویں میچ میں شاندار اننگز کھیلی جس نے شاہد آفریدی کی یادیں تازہ کردیں۔

گزشتہ روز قذافی اسٹیڈیم میں لاہور قلندرز اور پشاور زلمی کے درمیان کانٹے دار مقابلہ ہوا، جہاں لاہور کی ٹیم 159 رنز کے تعاقب میں مشکلات کا شکار نظر آئی وہیں شاہین آفریدی نے اپنی جارحانہ بیٹنگ کے ذریعے ٹیم کا اسکور 158 کرکے برابر کردیا۔

شاہین آفریدی نے 20 گیندوں پر 39 رنز اسکور کیے جس میں چار چھکے اور دو چوکے شامل ہیں۔

شاہین نے آخری اوور میں ایک چوکا اور 3 چھکے لگاکر مقابلہ ٹائی کیا جس سے میچ سپر اوور میں جا پہنچا، کرکٹر کے اس دلیر انداز نے جہاں شائقین کرکٹ کو متاثر کیا وہیں اپنے ہونے والے سسر اسٹار آل راؤنڈر شاہد خان آفریدی سے بھی داد سمیٹی۔

شاہد آفریدی نے اپنے ماضی اور شاہین کی ایک ہی انداز کی تصویر شیئر کی اور ساتھ ہی رمیز راجا کی کمنٹری کے انداز میں شاہین کی اننگز کو خوبصورت قرار دیا۔

شاہین کے اس جارحانہ انداز سے مداح خوب محظوظ ہوئے اور انہوں نے شاہین کو مستقبل کا شاہد آفریدی قرار دیا۔

اداکار و یوٹیوبر ارسلان نصیر نے ٹوئٹ کی کہ شاہین آفریدی سسر والی اننگز کھیل رہے ہیں۔

کئی صارفین نے شاہین آفریدی کو آل راؤنڈر کہا اور اس سیزن کا سپر اوور ہونے کی وجہ بھی شاہین کو قرار دیا۔

کچھ ٹوئٹس ملاحظہ کیجیے:

واضح رہے کہ لاہور قلندرز پلے آف میں بدھ کو ملتان سلطانز سے میچ کھیلے گا، جیتنے والی ٹیم سیدھا فائنل کے لیے کوالیفائی کرے گی جب کہ ہارنے والی ٹیم کو ایک اور موقع ملے گا۔

لاہور اور ملتان میں سے ہارنے والی ٹیم پشاور زلمی اور اسلام آباد کے درمیان ہونے والے میچ کی فاتح ٹیم سے مقابلہ کرے گی اور جیتنے والی ٹیم فائنل کھیلے گی۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20