'شاہین کی جیت میری جیت'، شکست کے باوجود رضوان کے حوصلے بلند

time 28 فروری ، 2022

لاہور قلندرز کے لیے دل سے خوش ہوں__فوٹو: ٹوئٹر — 'لاہور قلندرز کے لیے دل سے خوش ہوں'__فوٹو: ٹوئٹر

پاکستان سپر لیگ کے ساتویں ایڈیشن کے فائنل میں شکست کے باوجود ملتان سلطانز کی ٹیم کے کپتان محمد رضوان کے حوصلے بلند دکھائی دیے۔

گزشتہ روز لاہور قلندرز اور ملتان سلطانز کی ٹیموں کے درمیان فائنل کھیلا گیا جس میں قلندرز نے آل راؤنڈر کارکردگی کے بعد 42 رنز سے فتح حاصل کی اور پہلی بار چیمپئن بنا۔

لاہور قلندرز کی کامیابی پر جہاں ساتھی کرکٹرز نے مبارکبادیں پیش کیں وہیں مخالف ٹیم کے کپتان اور شاہین آفریدی کے بہترین دوست محمد رضوان نے بھی سوشل میڈیا پر پیغام جاری کیا۔

انہوں نے شاہین اور اپنی ٹیم کی تصاویر شیئر کیں اور معروف شعر کا پہلا مصرعہ لکھا: 'گرتے ہیں شہسوار ہی میدانِ جنگ میں'، ساتھ ہی انہوں نے اپنی ٹیم کا حوصلہ بلند کرتے ہوئے کہا کہ ملتان سلطانز ٹورنامنٹ میں چیمپئنز کی طرح کھیلا اور چیمپئن شکست کے باوجود اُٹھ کھڑے ہوتے ہیں۔

انہوں نے تمام مداحوں کی محبت کا شکریہ ادا کرتے ہوئے کوچز، اسٹاف اور کھلاڑیوں کی محنت کو بھی سراہا۔

رضوان نے آخر میں شاہین آفریدی کو مینشن کرتے ہوئے لکھا کہ 'شاہین کی جیت میری جیت ہے، میں لاہور قلندرز کے لیے دل سے خوش ہوں'۔

واضح رہے کہ لاہور قلندرز وہ واحد ٹیم ہے جس نے ٹورنامنٹ میں ملتا ن سلطانز کو دو مرتبہ شکست دی، قلندرز کے علاوہ سلطانز کو کوئی دوسری ٹیم ہرا نہیں سکی۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20