دفاعی چیمپئن لاہور قلندرز نے پاکستان سپر لیگ (پی ایس ایل) 8 کے کوالیفائر میچ میں جگہ پکی کرلی۔

لاہور قلندرز کوالیفائر میچ میں 15 مارچ کو ہوم گراؤنڈ پر  ایکشن میں ہوگی۔ قلندرز کے مدمقابل ٹیم کا فیصلہ ہونا ابھی باقی ہے۔

لاہور قلندرز نے اسلام آباد یونائیٹڈ کو 119 رنز سے شکست دے دی

اس میچ میں فتح کے ساتھ ہی لاہور قلندرز نے پی ایس ایل کوالیفائیر میچ میں جگہ پکی کرلی ہے

دوسری کوالیفائر ٹیم کا فیصلہ اتوار کو پشاور زلمی اور  اسلام آباد یونائیٹڈ کے میچ میں ہوگا۔

پوائنٹس ٹیبل کی دو ٹاپ ٹیمیں کوالیفائر کھیلیں گی۔ کوالیفائر جیتنے والی ٹیم براہ راست 19 مارچ کو فائنل کھیلے گی۔

16 مارچ کو  تیسری اور  چوتھی پوزیشن کی ٹیم کے درمیان پہلا ایلیمنیٹر ہوگا، پہلے ایلیمنیٹر کی فاتح ،کوالیفائر ہارنے والی ٹیم سے 17 مارچ کو  ایلیمنیٹر ٹو کھیلے گی۔

جمعے کو پشاور اور ملتان کے میچ کی فاتح ٹیم بھی پلے آف میں کنفرم ہوجائے گی۔ جمعے کا میچ ہارنے والی ٹیم کوئٹہ کے ساتھ اگر مگر کی منتظر رہے گی۔