سائمن ڈول کی بابرکی سنچری سے متعلق تنقید پر وضاحت

time 12 مارچ ، 2023

بابراعظم ذاتی سنگ میل کے لیے سست ہو گئے تھے : بابر اعظم کی کوئٹہ گلیڈی ایٹرز کے خلاف سنچری پر کیوی کمنٹیٹر کا تبصرہ/فوٹو: فائل

کیوی کمنٹیٹر سائمن ڈول نے پشاور زلمی کے کپتان بابر اعظم کی سنچری پر کی جانے والی تنقید پر وضاحت کردی۔

نیوزی لینڈ کے سابق ٹیسٹ فاسٹ بولر اور کمنٹیٹر سائمن ڈول نے پشاور اور کوئٹہ کے میچ کے دوران بابر کی سنچری پر تنقید کی تھی ، سائمن نے دوران کمنٹری کہا تھا کہ ’ بابراعظم ذاتی سنگ میل کے لیے سست ہو گئے تھے ، بابرکو سنچری کے وقت رن ریٹ کو کم کرنے کے بجائے باؤنڈریز تلاش کرنے پر توجہ دینی چاہیے تھی، بابراعظم کی اننگز اعداد و شمار کے لحاظ سے بہترین ہے لیکن انہیں ٹیم کیلئے کھیلنے کی ضرورت ہے ‘۔

یہ بھی پڑھیں

اس تبصرے کے بعد سائمن ڈول کو سوشل میڈیا صارفین کی جانب سے تنقید کا نشانہ بھی بنایا گیا جس کے بعد سائمن ٹوئٹر پر ٹرینڈ کرتے رہے۔

اب اس حوالے سے سائمن ڈول کی وضاحت سامنے آئی ہے جس میں ان کا کہنا تھا کہ میں چاہتا ہوں کہ بابر اعظم دنیا کا بہترین پلیئر بنے اور Fab four( ویرات کوہلی ، اسٹیو اسمتھ، کین ولیمسن اور جو روٹ) کو پیچھے چھوڑدے۔

سائمن ڈول کے مطابق جب میں بابر سے متعلق بات کرتا ہوں تو میں اس کے ارادے کی بات کرتا ہوں، میں نے ایک سال پہلے یہ بھی کہ کہا تھا کہ Fab four کو بھول جاؤ میرے لیے بابر دنیا کا بہترین پلیئر ہے، وہ دنیا کا بہترین کھلاڑی تھا، جس طرح کا یہ ٹورنامنٹ ہےمیری رائےکے مطابق بابر کو غالب آنا چاہیے،۔

سائمن ڈول نے یہ بھی کہا کہ بابر کو بولنگ اٹیک پر حاوی ہونا چاہیے، لیکن 120 یا 130 کے اسٹرائیک ریٹ کے ساتھ نہیں، مجھے ان کی بیٹنگ اور ارادہ بہت پسند آیا، یہ میری رائے ہے، مجھے بابر کو کھیلتے دیکھنا پسند ہے، لیکن انہیں بولرز کو یہ واضح کرنا چاہیے میں پاکستان کا کپتان ہوں اور آپ کو مجھ سے خطرہ ہے ۔

واضح رہے کہ گلیڈی ایٹرز کے خلاف میچ میں بابراعظم نے 65 گیندوں پر 115 رنز کی اننگز کھیلی تھی تاہم وہ ٹیم کو میچ جتوا نے میں ناکام رہے تھے۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20

Tweets by geonews_sport