24 جنوری ، 2017
بھارت میں تین ماہ میں چار بڑے ٹرین حادثات کے بعد بھارتی سیکورٹی ایجنسیوں نے ایک بار پھر پاکستان پر الزامات عائد کرنے کی تیاریاں شروع کردی ہیں ۔
ایک غیر ملکی خبر ایجنسی کے مطابق گزشتہ تین ماہ کے وران بھارت میں ٹرین کے چاربڑے حادثات پیش آئے ۔ان میں دو سو سے زائد ہلاکتیں ہوئیں ۔ بھارت کی قومی تحقیقاتی ایجنسی این آئی اے سمیت تمام سیکورٹی ایجنسیوں نے ان میں پاکستان کو ذمہ دار ٹھہرانے کی کوششیں تیز کردی ہیں ۔
بھارتی ایجنسیوں کو مشرقی چمپران سے آئی ای ڈی ملی ہے ۔ ایجنسیوں کا کہنا ہے کہ یہ سب انڈرورلڈ جال سے منسلک ہےجس کا سیل نیو دہلی میں ایک ٹریول ایجنسی سے منسلک ہے۔اس کا ایک شخص نیپال جبکہ دوسرا کراچی سے معاملات سنبھالتا ہے ۔