دنیا
25 فروری ، 2015
25 فروری ، 2015 
بھارت میں انسانی حقوق کی خلاف ورزیاں ،ایمنسٹی کی مودی پر تنقید
25 فروری ، 2015
نیویارک ......انسانی حقوق کے عالمی ادارے ایمنسٹی انٹرنیشنل نے بھارت میں مودی سرکار کے آنے کے بعد انسانی حقوق کی بڑھتی خلاف ورزیوں پر تشویش کا اظہار کیا ہے ۔ایمنسٹی انٹرنیشنل کی انسانی حقوق سے متعلق رپورٹ میں کہا گیا ہے کہ بھارت میں مودی سرکار آنے کے بعد انسانی حقوق کی خلاف ورزیاں اور گروہی تشدد بڑھ گیا ہے ۔رپورٹ میں خاص طور پر اتر پردیش کا حوالہ دیا گیاہے جہاں گزشتہ سال دسمبر میں مسلمان اور عیسائیوں کو جبری طور پر ہندو بنایا گیا۔ گروہی تعصب ، کرپشن اور اظہار رائے کی آزادی کی خلاف ورزیوں کے ساتھ رپورٹ میں زمینوں سے متعلق نئے قوانین کا بھی ذکر کیا گیاہے ، جن کے اطلاق سے بڑی تعداد میں لوگوں کے بے گھر ہونے کا خدشہ ہے ۔
مزید خبریں :
