02 اپریل ، 2015 
سندھ ہائیکورٹ نے بیریئرز اور رکاوٹوں سے متعلق درخواست نمٹادی
02 اپریل ، 2015
کراچی.......سندھ ہائیکورٹ نے بیریئرز اور رکاوٹوں سے متعلق درخواست نمٹاتے ہوئے کراچی سے بیرئیرز کا مکمل خاتمہ کرکے رپورٹ پیش کرنے کا حکم دے دیا۔سندھ ہائی کورٹ میں بیرئیرز اور رکاوٹوں سے متعلق درخواست کی سماعت جسٹس حسن اظہر رضوی کی سربراہی میں 2 رکنی بینچ نے کی۔ دوران سماعت پولیس اور رینجرز نے کیس سے متعلق رپورٹ بھی جمع کرائی۔ رپورٹ کے مطابق بلاول ہاوس سمیت سابق صدور کی رہائش گاہ کے اطراف سے رکاوٹیں ہٹادی گئی ہیں لیکن کچھ غیرملکی سفارتخانوں سے سیکیورٹی خدشات کے باعث رکاوٹیں ہٹانا ممکن نہیں۔ جس پر عدالت کا کہنا تھا کہ کیس میں 2011 میں بیرئیرز کے خاتمے کے حوالے سے سپریم کورٹ کا حکم نظرانداز کیا گیا۔ بیرئیرز کی تنصیب کے باعث جرائم میں اضافہ ہوتا ہے۔ عدالت نے درخواست نمٹاتے ہوئے شہر سے بیرئیرز کا مکمل خاتمہ کرکے رپورٹ پیش کرنے کا حکم دے دیا۔
