01 جون ، 2015 
کرنسی اسمگلنگ کیس میں ایان علی کی پیشی ،سماعت 15جون تک ملتوی
01 جون ، 2015
راولپنڈی .....کرنسی اسمگلنگ کیس میں ماڈل ایان علی گرفتاری کے بعد نویں بار کسٹم عدالت کے جج رانا آفتاب کے سامنے پیش ہوئیں ۔ ماڈل ایان علی کو جوڈیشل ریمانڈ پورا ہونے کے بعد بخشی خانے پہنچایا گیا ۔اس موقع پر ایان علی کی جانب سے درخواست ضمانت پیش کی گئی ، عدالت نے جس پر سماعت کل تک ملتوی کردی ہےجبکہ کرنسی اسمگلنگ کیس کی سماعت وکلا کی ہڑتال کے باعث 15جون تک ملتوی کی گئی ہے۔سماعت کے دوران ایان علی کی جانب سے سابق گورنر پنجاب سردار لطیف کھوسہ بطور وکیل پیش ہوئے ۔جس پر جج نے ان سے استفسار کیا کہ ایان علی کی طرف سےکیس میں خرم لطیف کھوسہ پیش ہورہے ہیں تو کیا آپ اپنے بیٹے کی معاونت کیلئے عدالت میں پیش ہوئے ہیں؟۔سردار لطیف کھوسہ نے کہا کہ میں کیس میں پیش ہوکر دلائل دینا چاہتا ہوں ۔سماعت کے آخر میں ایان علی کی ان کے وکلاء سے 15منٹ کیلئے ملاقات کرائی گئی ،ملاقات کے دوران میڈیا اور دیگر افراد کو عدالت سے باہر نکال دیا گیا۔
