26 جنوری ، 2012 
پیرجوگوٹھ: سسی پلیجو کی پیر پگارا کے انتقال پر تعزیت
26 جنوری ، 2012
خیرپور… وزیر ثقافت سندھ سسی پلیجو نے پیر جو گوٹھ پہنچ کرحروں کے روحانی پیشوا پیر صبغت اللہ شاہ پیر پگارا کے ساتھ ان کے والد سید شاہ مردان شاہ ثانی پیر پگارا کے انتقال پر تعزیت کی۔ پیر جو گوٹھ میں سندھ کے سیکریٹری ثقافت عبدالعزیز عقیلی اور ڈائریکٹر ثقافت محمد علی مانجھ بھی موقع پرموجودتھے۔پیر صبغت اللہ شاہ سے ان کے والد کے انتقال پرتعزیت کے بعد صحافیوں سے بات چیت کر تے ہوئے وزیر ثقافت سسئی پلیجو نے کہا کہ پگارا خاندان اور حر جماعت نے تحریک آزادی میں اہم کردارادا کیا۔ حر فورس نے انگریز سامراج کو اس خطے سے بھگایا انہوں نے کہا کہ حر موومنٹ کے کردار تاریخی کردار ہیں ان کو محفوظ کر نے کی ضرورت ہے انہوں نے کہا کہ ہم ان کرداروں اور سانگھڑ کے سرفروشوں کی جدوجہد کو سندھ کا تاریخی وارثہ سمجھتے ہیں اس تاریخی ورثے کو محفوظ کریں گے۔
مزید خبریں :
