11 ستمبر ، 2015 
ججزنظربندی کیس ،پرویزمشرف کے ناقابل ضمانت وارنٹ گرفتاری جاری
11 ستمبر ، 2015
اسلام آباد....انسداد دہشت گردی کی عدالت نے ججز نظربندی کیس میں سابق صدر جنرل ریٹائرڈ پرویز مشرف کے وارنٹ گرفتاری جاری کرتےہوئے یکم اکتوبر کو پیش ہونے کا حکم دیا ہے۔
اسلام آباد کی انسداد دہشت گردی کی عدالت کے جج سہیل اکرام نے کیس کی سماعت شروع کی تو پرویز مشرف کی جانب سے حاضری سے استثنیٰ کی درخواست جمع کرائی گئی ، عدالت نے درخواست مسترد کرتے ہوئے کہا کہ حاضری سے استثنٰی کی درخواست کے ساتھ میڈیکل رپورٹ منسلک نہیں کی گئی۔
عدالت نے گزشتہ سماعت پراستغاثہ کے گواہوں کو بیانات ریکارڈ کرانے کے لیے طلبی کے سمن جاری کیے تھے۔ پراسیکیوٹر عامر ندیم تابش نے بتایا کہ ایک گواہ انسپکٹر غلام مصطفی کیانی بیماری کی چھٹی پرہیں جبکہ دوسرے گواہ قیصر نیاز حج کی ادائیگی کے سلسلے میں ملک سے باہر ہیں جس کے باعث ان کے بیانات قلمبند نہ کیے جا سکے۔
