پاکستان
27 جنوری ، 2012
27 جنوری ، 2012 
عظمی ایوب کیس کے مرکزی ملزم نصیب اللہ کا پانچ روزہ ریمانڈ منظور
27 جنوری ، 2012
پشاور…عظمیٰ ایوب زیادتی کیس کے مرکزی ملزم حوالدار نصیب اللہ خان کو انسداد دہشت گردی کی خصوصی عدالت نے پانچ روزہ ریمانڈ پر پولیس کے حوالے کردیا ہے۔کرک کی خاتون عظمیٰ ایوب کے ساتھ اجتماعی زیادتی کے مرکزی ملزم حوالدارنصیب اللہ خان کا میڈیکل ٹیسٹ لیا گیا اور اس کے خون کے نمونے بھی حاصل کئے گئے تاکہ انہیں ڈی این اے ٹیسٹ کے لئے بھیجا جاسکے۔ نصیب اللہ کو پولیس نے پشاور میں انسداد دہشت گردی کی خصوصی عدالت میں پیش کیا۔ عدالت نے ملزم کا پانچ روزہ ریمانڈ منظور کرکے اسے پولیس کے حوالے کردیا۔ نصیب اللہ کو مبینہ اجتماعی زیادتی کا نشانہ بننے والی خاتون عظمیٰ کی نشاندہی پر گذشتہ روز اٹک سے گرفتار کیا گیا تھا۔
مزید خبریں :
