03 اکتوبر ، 2015 
قاہرہ کی یونیورسٹی کی خاتون اساتذہ کے نقاب پہننے پر پابندی
03 اکتوبر ، 2015
قاہرہ ......مصری دارالحکومت قاہرہ کی یونیورسٹی کی خاتون اساتذہ کے نقاب پہننے پر پابندی عائد کر دی ہے۔ الجزیرۃ ٹی وی کے مطابق یونی ورسٹی کے صدر جابر نصر نےبتایا کہ یہ فیصلہ نئے سیمسٹر کے آغاز سے نافذالعمل ہو جائے گا۔
صدر جابر نصر کےمطابق یہ فیصلہ اس لیے کیا گیا ہے کہ ’دوران تعلیم خاتون اساتذہ کے طلبا و طالبات کے ساتھ رابطوں اور ابلاغ کو آسان بنایا جا سکے‘۔یونیورسٹی انتظامیہ کے مطابق خواتین اساتذہ کی طرف سے چہرے کو ’نقاب کے ساتھ چھپا لینے‘ پر اس پابندی کا اطلاق یونیورسٹی میں دیے جانے والے لیکچرز اور وہاں منعقد کردہ سیمینارز پر بھی ہوگا۔
تاہم تعلیم کے بعد اگر ٹیچنگ سٹاف کی رکن خواتین چاہیں تو انہیں یونیورسٹی کیمپس پر اپنی موجودگی کے عرصے میں نقاب پہننے کی اجازت ہو گی۔اس فیصلے پر سلفی رہنما یاسر برہانی نےکہا کہ نقاب یا حجاب کے استعمال پر پابندی قانون اور آئین کی خلاف ورزی ہے۔
مزید خبریں :
ٹرمپ نے ایک بار پھر تھائی لینڈ اور کمبوڈیا کے درمیان جنگ رکوادی
12 دسمبر ، 2025
