28 اکتوبر ، 2015 
ڈاکٹر عاصم کی جیل سے اسپتال منتقل کرنے کی درخواست خارج
28 اکتوبر ، 2015
اسلام آباد .....سپریم کورٹ نے ڈاکٹر عاصم حسین کی جیل سے اسپتال منتقل کرنے کی درخواست خارج کردی ہے ۔
جسٹس ثاقب نثار کی سربراہی میں 3 رکنی بنچ نے ڈاکٹر عاصم حسین کی اہلیہ کی درخواست کی سماعت کی، سیکریٹری کیڈ کے حکم پر تشکیل دی گئی ،7 رکنی ڈاکٹرز کی ٹیم کی رپورٹ عدالت میں پیش کی گئی ۔
ایڈیشنل اٹارنی جنرل کا کہنا تھا کہ ڈاکٹرز نے ڈاکٹر عاصم حسین کو صحت یاب قرار دیا ہے،میڈیکل بورڈ کی رپورٹ کے مطابق انہیں اسپتال میں رکھنے کی ضرورت نہیں۔ڈاکٹر عاصم کے وکیل عابد زبیر ی نے دلائل میں کہاکہ میڈیکل بورڈ کی رپورٹ بدنیتی پر مبنی ہے۔
جسٹس ثاقب نثار نے کہا کہ میڈیکل بورڈ کی رپورٹ سامنے آگئی تو پھر ڈاکٹر عاصم کو اسپتال میں رکھنے کی کیا ضرورت ہے ، ہائیکورٹ کا فیصلہ درست تھا،درخواست خارج کی جاتی ہے۔
