ممبئی .......بالی ووڈ میں دو دہائیوں سے راج کرنے والے اورلاکھوں دل کی دھڑکن اداکارشاہ رُخ خان عرف کنگ خان آج 50ویں سالگرہ منا رہے ہیں۔

2نومبر1965کو نئی دہلی پیدا ہونے والے اداکارشاہ رُخ خان نے اپنے کیرئیر کا آغاز 1980میں چھوٹی اسکرین سے کیا جبکہ فلمی دنیا میں ان کی آمد 1992میں فلم دیوانہ سےہوئی۔

ان کی کامیاب فلموں میں دل والے دلہنیا لے جائیں گے، دل تو پاگل ہے، کچھ کچھ ہوتا ہے، چک دے انڈیا، کل ہو نا ہو، کبھی خوشی کبھی غم، کبھی الوداع نہ کہنا، ویر زارا، اوم شانتی اوم، ڈان، رب نے بنادی جوڑی، بلو باربر، مائی نیم از خان، راون، ڈان ٹو اور جب تک ہے جاں جیسی بلاک بسٹر فلمیں شامل ہیں۔

ہندوستانی فلمی دنیا میں اپنی اداکاری کے باعث کنگ خان کا خطاب حاصل کرنے والے شاہ رُخ کو 2008میں امریکی جریدے نیوز ویک نے دنیا کے 50 بااثرترین شخصیات میں شامل کیا تھا۔

فلموں میں لاجواب اداکاری کے جوہر دکھانے والے شاہ رُخ خان بھارت کے چوتھے بڑے سویلین اعزاز پدما شری اورفرانس کے دوسرے بڑے سویلین اعزازOrdre des Arts et des Lettresآرڈر آف آرٹس اینڈ لیٹرز سمیت متعدد فلمی ایوارڈز بھی جیت چکے ہیں۔

شاہ رخ خان کو ناصرف یونیورسٹی آف بیڈ فورڈ شائر کی جانب سے ڈاکٹریٹ کی اعزازی ڈگری مل چکی ہے بلکہ وہ واحد بالی ووڈ اداکار ہیں جنہیںYaleیونیورسٹی نےChubbفیلوشپ سے بھی نوازا ہے۔

آج کل شاہ رخ خان بالی ووڈ اداکارہ کا جل کے ساتھ فلم دل والے اور پاکستانی اداکارہ ماہرہ خان کے ساتھ فلم رئیس کی شوٹنگ میں مصروف ہیں ۔