27 نومبر ، 2015 
لندن: منی لانڈرنگ کیس کی تحقیقات پر نظر ثانی کی درخواست دائر
27 نومبر ، 2015
لندن ......... لندن ہائی کورٹ میں منی لانڈرنگ کی تحقیقات کے خلاف نظر ثانی کی درخواست دائر کردی گئی۔ درخواست میں تحقیقات کی نوعیت اور رفتار پر سوالات اٹھائے گئے ہیں۔
لندن میں 2012سے چلنے والے منی لانڈنگ کیس میں ایم کیو ایم کے قائد سمیت 6افراد ضمانت پر ہیں۔ اسکاٹ لینڈ یارڈ ذرائع کے مطابق نظرثانی کی درخواست ضمانت پر رہا افراد میں سے کسی ایک کی جانب سے دائرکی گئی ہے، درخواست میں اسکاٹ لینڈ کے چیف برنارڈ ہوگن کو فریق بنایا گیا ہے اور منی لانڈرنگ کیس کی تحقیقات کی نوعیت اور رفتار پر سوالات اٹھائے گئے ہیں۔
درخواست گزار کی جانب سے کورٹ سے استدعا کی گئی ہے کہ اگر پولیس کے پاس ان رہنماؤں کے خلاف ثبوت نہیں تو اس تحقیقات کو بند کیا جائے۔ اسکاٹ لینڈ یارڈ کے ترجمان کے مطابق لندن کورٹ نے اسکاٹ لینڈ یارڈ کو آگاہ کردیا اور بہت جلد اسکاٹ لینڈ یارڈ اپنا جواب عدالت میں جمع کرائے گی۔
مزید خبریں :
