27 نومبر ، 2015 
امریکی ریاستوں کو شامی مہاجرین قبول نہ کرنے کا اختیار نہیں، امریکا
27 نومبر ، 2015
واشنگٹن......... امریکی وفاقی حکومت نے ریاستوں کے اہل کاروں کو متنبہ کیا ہے کہ انھیں شام کے مہاجرین کو قبول نہ کرنے کا کوئی اختیار نہیں ہے۔
یہ اطلاع ایک سرکاری مراسلے میں دی گئی ہے، جسے مہاجرین کی آبادکاری کے دفتر کے سربراہ نے وفاق کے آبادکاری سے متعلق اداروں کو جاری کیا ہے۔
پروگرام کے سربراہ، رابرٹ کیری نے کہا ہے کہ پناہ گزینوں کے ملک اور ان کی مذہبی نسبت کو خاطر میں لائے بغیر، ادارے کی جانب سے فراہم کردہ فوائد اور خدمات پر عمل درآمد کرنا چاہیئے۔
یہ مراسلہ امریکی ذرائع ابلاغ میں شائع ہوا۔ ان کا کہنا تھا کہ کوئی بھی ریاست جو احکامات کی پاسداری نہیں کرے گی وہ دراصل قانون کی انحرافی کی مرتکب ہوگی، جس کے خلاف انضباطی اقدام ہو سکتا ہے۔
یاد رہے کہ ری پبلیکن پارٹی سے تعلق رکھنے والے دو درجن سے زائد گورنروں نے سکیورٹی خطرات کا اظہار کرتے ہوئے شامی مہاجرین کو اپنی ریاستوں میں آباد کرنے کے وفاقی حکومت کے اقدام کو روکنے کا عندیہ دیا تھا۔
مزید خبریں :
سوڈان میں ڈرون حملہ، یو این امن مشن کے 6 بنگلادیشی ارکان جاں بحق
14 دسمبر ، 2025
امریکا کی براؤن یونیورسٹی میں فائرنگ سے 2 افراد ہلاک، متعدد زخمی
14 دسمبر ، 2025
اسرائیل نے مغربی کنارے میں 19 یہودی بستیوں کو قانونی حیثیت دے دی
14 دسمبر ، 2025
