26 دسمبر ، 2015 
بدین کے سرکاری اسپتال کی عمارت میں تھانا قائم
26 دسمبر ، 2015
بدین......بدین میں حکومت کی جانب سے دیہی مرکزصحت کو دوعمارتیں مریضوں کے علاج کے لیے دی گئیں،ایک عمارت میں تو مریض زیر علاج ہے مگر دوسری عمارت میں تھانا قائم ہوگیا۔
بدین کے نواحی شہر نندو میں دیہی مرکز صحت کی سرکاری عمارت میں چار ماہ سے تھاناقائم ہے۔ عمارت میں دفاتر کے علاوہ حوالات اور اسلحہ خانہ بھی بنا لیا گیا ہے۔یہی نہیں، یہاں پولیس اہل کاروں کے رہنے کا بھی پورا بندوبست ہے۔
دیہی مرکز صحت کے ایم ایس ڈاکٹر محمد خان کا کہنا ہے کہ انہوں نے جبری طور پر تھانا قائم کرنے کے خلاف اعلیٰ حکام کو کئی بار تحریری شکایات کیں لیکن کوئی شنوائی نہیں ہوئی۔
تھانے میں تعینات پولیس اہل کاروں کا کہنا ہے کہ شہر میں تھانے کے لیے کوئی سرکاری عمارت ہی نہیں ہے، دوسری جانب ایس ایس پی ابرار حسین نے رابطہ کرنے پر بتایا کہ تھانا تو ہے لیکن اس کی چھت کی مرمت جاری ہے، اس لیے عارضی طور پر اسپتال کی عمارت میں تھانا بنایا گیا ہے، جیسے ہی چھت کی مرمت مکمل ہوگی تھانا منتقل کردیا جائے گا۔
مزید خبریں :
سندھ میں رواں سال ڈینگی سے پہلی وفات رپورٹ
30 جون ، 2025
جگر کے عام ترین مرض سے بچانے میں مددگار بہترین غذا
29 جون ، 2025
کراچی میں ایک اور شہری نیگلیریا سے جاں بحق
28 جون ، 2025
ہائی بلڈ پریشر سے بچانے میں مددگار بہترین پھل
27 جون ، 2025
