05 جنوری ، 2016 
بل کلنٹن، اہلیہ کی انتخابی مہم چلانے کیلئے منظر عام پر آگئے
05 جنوری ، 2016
نیویارک........ امریکا کے سابق صدر بل کلنٹن اپنی اہلیہ ہلیری کلنٹن کی انتخابی مہم چلانے کیلئے منظر عام پر آگئے۔
ذرائع ابلاغ کے مطابق 69 سالہ سابق امریکی صدر بل کلنٹن اپنی اہلیہ اور سابق وزیر خارجہ ہیلری کلنٹن کی صدارتی انتخابی مہم میں حمایت کیلئے خم ٹھونک کر منظر عام پر آگئے اور انھیں عشروں کی اہل ترین صدارتی امیدوار قرار دے دیا ۔
گزشتہ روز وہ انتخابی مہم کے سلسلے میں ریاست نیوہیمپشائر گئے جہاں ناشوا شہر میں ہونے والی انتخابی ریلی سے خطاب کرتے ہوئے انھوں نے امریکاکو غریب اور متوسط طبقے کیلئے بہترین اور محفوظ ملک بنانے کیلئے ہلیری کلنٹن کی کوششوں کو خراج تحسین پیش کیا۔
انھوں نے کہا کہ میری زندگی میں کوئی صدارتی امیدوار ایسا نہیں آیا جو اپنے مقصد کے حصول کیلئے ان سے زیادہ بہتر، معلومات کے حوالے سے قابل، تجربہ کار اور باحوصلہ ہو۔سابق صدر کا کہنا تھا کہ وہ ہلیری کی محبت میں 45 سال قبل گرفتار ہوئے، خوش قسمت ہوں کہ ہلیری کی رفاقت میں نانا بھی بن چکا ہوں۔
مزید خبریں :
سوڈان میں ڈرون حملہ، یو این امن مشن کے 6 بنگلادیشی ارکان جاں بحق
14 دسمبر ، 2025
امریکا کی براؤن یونیورسٹی میں فائرنگ سے 2 افراد ہلاک، متعدد زخمی
14 دسمبر ، 2025
اسرائیل نے مغربی کنارے میں 19 یہودی بستیوں کو قانونی حیثیت دے دی
14 دسمبر ، 2025
